Infrastruktuur (Elektrisiteit, Water)
Die Nedersetting is die oudste en die eerste ontwikkeling op Keinfontein en het
tans meer as 200 wonings. Die grootste gedeelte hiervan is "gewone"
woonerwe wat ongeveer 800 vierkante meter groot is.
'n Boukomitee reguleer all nuwe bouwerk en alle bouwerk moet aan 'n streng
reeks voorwaardes voldoen. Bou-inspeksies word deurgaans op terrein en op plan
deur die komitee behartig.
Meenthuiskompleks
Die
meenthuiskompleks het 'n besonderse groei beleef en is tans die voorloper in die
bounywerheid op die terrein.
'n
Unieke komponent van die nedersetting is sy verskeidenheid. Hoe
digtheidsbe-huising in die vorm van meenthuise komplimenteer die ouer
houthuispark
Die Houthuispark
Die houthuispark bestaan uit 22 erwe waarvan 10 reeds bebou is. Die meeste erwe se groottes wissel tussen 350 vierkante meter en 500 vierkantemeter. Die sowat 16 huidige inwoners wissel van jong ongetroudes tot afgetredenis.
Water
Die plaas Kleinfontein is uiters waterryk met talle fonteine wat water van 'n
uiters hoë gehalte lewer. Deur middel van hierdie fonteine word die hele plaas
tans van water voorsien. 'n Waterkomitee is in die lewe geroep om die
uitgebreide waternetwerk van fonteine, boorgate en damme te bestuur en ook
te verseker dat waterkwaliteit deurgaans beheer word.
Elektrisiteit
Elektrisiteit word aangekoop direk vanaf Eskom teen grootmaattarief en word verskaf
deur middel van 11 KV lyne. Dit verseker KBK se onafhanklikheid vanaf plaaslike
Suid-Afrikaanse rade en bied 'n korting.
Alle elektriese installasies in kleinfontein word deur gekwalifiseerde
elektrisiens gedoen. All wonings in kleinfontein moet van 'n "Energie bespaarder"
gebruik maak om te verseker dat piekstroom verbruik so laag as moontlik bly.
Inkopies in en om Kleinfontein
Waar is die naaste inkopie sentrum aan Kleinfontein geleë?
Vir die basiese melk en brood of 'n bietjie twak is die
antwoord Kleinbegin Winkel
natuurlik ! Verdere goeie NUUS is dat Kleinfontein 'n eie winkelsentrum
beplan naby die noordelike ingang. Vir Navrae Epos:
jmc@acc.co.za
Daar is `n vulstasie ongeveer 1km vanaf die ingang van Kleinfontein op die
Rayton – Bapsfontein pad geleë asook `n winkel waar noodsaaklike melk, brood
en koerante gekoop kan word.
Aangrensend aan die motor vulstasie is daar ook `n
veevoer groothandelaar waar die kleinboer al sy voer benodigdhede kan
aanskaf. Elke Saterdag word daar in die omgewing van die vulstasie ook
veiling gehou waar die publiek van hulle oortollige besittings kan laat
opveil en wie weet, self `n winskopie kan teëkom.
Verder langs die pad is daar ook `n melkboer wat melk teen groothandel prys
direk aan die publiek verkoop.
Vir meer gesofistikeerde inkopies is daar `n inkopie sentrum 7km vanaf die Kleinfontein indraai pad op die Rayton - Bapsfontein pad geleë waar `n bekende kettinggroep as die anker besigheid van die kompleks, besigheid bedryf. In die sentrum is daar ook die volgende beskikbaar:
Een van die grootste bankgroepe voorsien in al die
kliënte behoeftes asook OTM geld onttrekking geriewe. Allerlei kleiner
winkels is in die kompleks geleë bv. mans en dames haarkappers, materiaal
winkels en `n bekende kettinggroep klere- handelaar. Verskeie mediese
praktisyns, tandarts, fisioterapeut en `n apteek doen ook hier en in die
onmiddellike omgewing van die kompleks besigheid.
Motor herstel werke, `n vulstasie en onderdele handelaars is ook in die
direkte omgewing bedrywig.
Verder bedryf ook `n boumateriaal- en `n elektriese materiaal handelaar op dieselfde terrein hulle sake.Vir groter landbou benodigdhede is daar ook `n tak van `n bekende koöperasie in die rigting van Cullinan, ongeveer 12km vanaf Kleinfontein, waar grootmaat landbou benodigdhede aangekoop kan word.