Kleinfontein Wildpark behels die vestiging en ontwikkeling  van ‘n ekologiese bewaringsgebied waarin mens en natuur in harmonie kan saamleef
 

^{Bloedrooi sak die son agter die rantjie in die weste.
Die windpomp draai stadig so spoeg, spoeg in die dam.
Iewers verskuil onder soetdorings wat plaat,  roep jakkals en tarrentaal in die verte.
 Bokmakierrie, Laksman, Spekvreter en Bergwagter maak reg vir die diep donker nag
en keer stil, stil  terug na hul neste.}

 

^{Blesbok, Ribbok en Duiker is klaar gewei vir die dag.
Êrens in die lang gras ses zebra’s wat vir ons lag.} 
 

^{Omring deur die skepping van jou God, besef jy opnuut die nietigheid van die mens.
Hier kan jy nog droom, Hier kan jy nog wens.}

Spesies reeds teenwoordig
 

• Blesbok
• Wit rietbok
• Rooihartebeest
• Zebra
• Aardwolf
• Jakkels
   

Hier kan jy op jou stoep sit terwyl wild soos onder andere blesbokke,  Rooihartbeeste, duikers en Zebra's rustig tussen die huise deurloop.

Die ontwikkeling is lae digtheid van aard en bestaan uit 'n beperkte aantal van 50 persele. Hierdie 50 persele word dan in groepies van ses saamgevleg wat beteken dat daar 'n groot hoeveelheid oop ruimtes is.
Elke blok van ses wonings het 'n gepaste naam soos Ribbbok, Gemsbok ensomeer.

Regs bo: Die wildsvestiging projek in volle swang. Vroeggoggend word Kleinfontein se "pajamadonkies" afgelaai.
Buiten natuurlik die vestiging van wildspesies is die omgewing ryk aan voellewe en verskeie roofvoels het hier 'n tuiste gevind.

Onder: Die Gemsbok Blok in aanbou

Veldbrande en brandbestuur..
Kleinfontein se Wildpark is onder streng brandbeheer en debatte aangeaande brande en voorbrande is altyd baie lewendig. Jaarliks word veldkenners, inwoners en die kleinfontein brandkomitee betrek. Onder is Kleinfontein se vuurvegter in aksie by die "beveiliging" van 'n afgebakende area in die wildpark wat gebrand is as voorsorg. Sou daar dan 'n brand uitbreek sal die area 'n veilige heenkome bied aan die duurbekomde wild.

Vir navrae om 'n stukkie paradys te bekom kontak die kantoor.